البوابةالرئيسيةالتسجيلدخول
***  صيانة واصلاح أجهزة الكمبيوتر - تركيب شبكات ***تصميمات جرافيك ومقدمات مونتاج *** تدريب على الحاسب الآلى *** القاهرة الجديدة - التجمع الخامس - الحى الرابع - جمهورية مصر العربية ***   *** للاتصال 0100/5240787 *** *** ويشرفنا زيارتكم لنا فى المدونة الالكترونية http://elrahmhacademy.blogspot.com ***
*** تم بحمد الله افتتاح منتديات الجرافيك والمونتاج ***

شاطر | 
 

 الدليل الشامل فى تخفيض درجة حرارة الجهاز إلى الحد الأدنى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمود رحمة
مؤسس الاكادمية
مؤسس الاكادمية
avatar

رقم العضوية : 1
عدد المساهمات : 192
نقاط : 555
تاريخ التسجيل : 14/06/2008

مُساهمةموضوع: الدليل الشامل فى تخفيض درجة حرارة الجهاز إلى الحد الأدنى   السبت 24 يوليو 2010 - 19:47


طبعا كلكم عارفين أن سرعة الجهاز بتاعكم بتتأثر بحاجات
كتيرمنها حرارة البروسيسور والجهاز عموماً , ودى علاقة عكسية بين الأداء
والحرارة فكلما زادت الحرارة قل أداء الجهاز والعكس صحيح .


طب أزاى أخلى جهازى تفضل حرارته قليلة مع أنى مشغله طول النهار
( طبعاً وأنا أولكم) ؟

الأجابة هتلاقيها فى الموضوع اللى عملته لكم مخصوص بعد ماسمعت الكتير عن
شكوى الأعضاء فى منتدانا العزيز من حرارة الجهاز أو اللى عايز يشغل جهازه
علطول أو اللى بيمشى ويسيب الجهاز يحمل مع نفسه زى حالتى كدة المهم.

أول شئ أحب أنكم تعرفوه هوه أن الموضوع ده مخصص للى
عندة جهاز به معالج بانتيوم 4 وهذا الموضوع مش موجه لأجهزة بانتيوم 3 أو
معالجات AMD , طب ليه ؟


لأن بانتيوم 3 مابيطلع حرارة جامدة زى بانتيوم 4

المهم نبدأ موضوعنا


ملحوظة :
هناك بعض
المصطلحات الخاصة بالكمبيوتر كتبتها بالعربى والأنجليزى والسبب ليس
الفزلكة والتنطيط بس عشان لو واحد عايز يتوسع فى الموضوع يكتبها فى جوجل
ويدور عليها أتفقنا؟ كويس.

قبل أن تبدأ فى ذلك الموضوع لازم تعرف أنه أذا كانت حرارة جهازك كويسه متحاولش تلعب فيه الأ أذا كانت حرارته مرتفعة فعلاً.
ويوجد برنامج عشان تعرف بيه حرارة الجهاز والبروسيسور والهارد والماذربود


و طريقه عمله




أذا كان عندك البروسيسور من 1.7 إلى 2.4 وزادت حرارة البروسيسور عن 55 درجة سيليزية يبقى لازم تقلق وتكمل الموضوع.


أذا كان عندك البروسيسور من 2.6 إلى 3.2 وزادت الحرارة عن 65 درجة سيليزية يبقى لازم تقلق وتكمل الموضوع.


أما أذا قلت عن ذلك بكثير فأنصحك بعدم العبث بجهازك أساساً.

أولأً : الأتربة !!!!!! :

أيه ده يا عم ؟ أيه التخريف ده ؟ أيه اللى دخل التراب فى الموضوع ؟؟؟؟؟؟؟


صبركم عليا شوية , عايزكم تعرفوا أن الأتربة الموجودة داخل الجهاز بتقلل من سرعته , طب أزاى ؟


أقولكم , التراب بيلزق على سطح السيليكون PCB المكون للشرائح الألكترونية
EC – Electronic Chips وبيسبب أرتفاع درجة حرارتها وبكده بيقلل من سرعة
الجهاز.


طب أزاى أنظفه ؟


نجيب فوطة نظيفة من الألياف أو القماش بس تكون جافة ويفضل لوكويناها الأول
عشان نضمن أنه مفيش رطوبة عليها وبعدين نعدى على الأسطح الألكترونية بسرعة
ونزيل التراب من عليها بالراحة بس خلى بالكم ماتلمسوش وبكرر ماتلمسوش
الدوائر المدمجة الـــ IC يعنى وهو لونه أسود كده وبيقى مستطيل عادة ولو
لمستوه ماتخفوش مش هايحصل حاجة بس ماتكرورهاش تانى.


ملحوظة 1 : بالنسبة لمحترفى التركيب والتجميع ( فقط ) يفضل فك الجهاز قطعة قطعة وتنظيفه ثم اعادة تركيبة.


ملحوظة 2 : عند فتح علبة الجهاز أحرص على لمس
جهاز أمداد الطاقة Power Supply بكلتا يديك عشان تضيع الكهرباء الساكنة
Electric Static Electricityوالشحنات اللى على أيديك عشان ماتضرش الجهاز
والشائح اللى فيه.


ملحوظة 3 : لازم تبقى رجليك معزوله عن الأرض كويس.


ملحوظة 4 : طبعاً لازم يكون الجهاز مفصول منه كابل الطاقة Power Cord Cable واللبيب يفهم بالأشارة.

ثانياً : مروحة البروسيسور :
أهم شئ فى الموضوع أو من أهم الأشياء فى الموضوع.

لازم تجيب لك مروحة نظيفة وقوية وعدد لفاتها فى الدقيقة RPM مايقلش عن 3000
لفة , والكلام ده موجه لأصحاب المعالجات العالية High-End Processors مثل
المعالجات بانتيوم 4 اللى ترددها 2.4 جيجاهرتز أو أعلى ( كل اللى يجي من
حبايبنا فايدة ) عشان المعالجات ديه بتطلع حرارة جبارة المهم اللى عنهم
معالجات أقل من كدة ممكن يشتروا أى مروحة المهم تكون نضيفة مش اللى بعشرة
جنية مصرى.


انا عن نفسى برشح للناس اللى عنهم معالجات أعلى من 2.4 أو مايعدلها -
وبالذات اللى فيها ذاكرة مخبأه Cache Memory عالية وتكتب أختصاراً L1 و
L2 , زر المعالجات بريسكوت اللى كاشها ميجا – أنهم يشتروا مروحة Cooler
Master بس الأصلية لأن فى أنواع مضروبة فى السوق المصرية بتعمل 25 جنية
وعلبتها كرتون مقوى لونها أخضر وديه طبعاً المضروبة أما الأصليه هتلاقى
علبتها بلاستيك شفاف وعليها ختم الشركة والعلامة المائية اللى بتلمع ودى
عاملة حوالى 70 جنيه لأقل موديل!!!!


ياااه 70 ج عشان مروحة بروسيسور ؟؟؟؟؟؟


طبعاً ياباشا تعالى نحسبها , حضرتك شارى بروسيسور 3 جيجاهرتز أو حتى 2.4
جيجاهرتز كاش مش أقل من 256 أو 512 أو حتى ميجا وعامل فى حدود 500 – 1300
جنية , مستخسر فية مروحة بسبعين جنيه ؟؟؟


طب لما البروسيسور يتحرق ( زى ماحصل معايا ومن ساعتها حرمت) بعد الشر
هاتقول ياريت اللى جرى ماكان , صح ولا لأ ؟؟؟؟ وبعدين المروحة ديه
هاتعييييييييش معاك كتييييييير ومش هاتلاقى لها صوت تقريباً.


أقتنعت طب كويس وأدى صورة المروحة الــ Cooler Master اقل موديل.



ومراوح البانتيوم 4 بتنقسم لنوعين : Socket 478 و LGA 775 وأدى صورهم




ثالثاً : مراوح علبة الجهاز الــ Case يعنى :

تعتبر مهمة برضه , طب ليه ؟؟؟

أقولك مشكلة الأجهزة اللى بتسخن مش فى أنها متربه وأن مروحة البروسيسور
تعبانه وبس , أنما مشكلتها فى أن الهواء واقف داخل علبة الجهاز المقفولة
أصلا !! طب أحنا عايزين نعمل دورة هواء داخل الجهاز.


المطلوب :
1- عدد مروحتين Case داخليتين.

2 - عدد 8 مسامير مراوح لزوم التثبيت.


3 - عدد واحد بنى أدم لزوم التركيب وهو متوفر والحمدلله .


قبل البدء ينبغى توخى الحذر عند تركيب المروحة Case fan
وذلك حتى لاتجرح نفسك لأنها صعبة التركيب بسب عدم وجود مجرى للمسمار (
قلاووظ ) فيجب أن تعملها بنفسك.[/FONT]

المهم فيه طريقتين مضمونين لتركيب المراوح:
1 - تركيب مروحة لأدخال الهواء من الأمام ( شفط الهواء
داخل العلبة ) وأخرى من الخلف وتقع أسفل الـ Power Supply بقليل وتعمل
على أخراج الهواء من الجهاز ( شفط الهواء خارج الجهاز).


2 - تركيب مروحتين من الخلف ( لمن لديهم مكان لمروحتين من الخلف ) أسف الــ Power Supply فقط.


تعمل الطريقة الأولى على عمل دوامة هواء داخل الجهاز على شكل دوائر فيدخل
الهواء من المروحة الأولى بارداً ويسحب الهواء الساخن الخارج من الأجزاء
الساخنة مثل البروسيسور والفيجا والهارد وشفط الهواء الساخن خارج علبة
الجهاز عن طريق المروحة الثانية. ( أنصكم بأستخدام هذه الطريقة ).


تعمل الطريقة الثانية بنفس فكرة عمل الأولى ولكن الفرق فى وجود مروحتين من الخلف تعملان على سحب الهواء الساخن من الخلف بسرعة.




وهناك من يقوم بتركيب المروحة بدون خبرة سابقة فتزيد الطين بله وتزداد سخونة الجهاز ولاتقل.


الطريقة الخاطئة الأولى :


تركيب مروحة خلفية تدخل الهواء للجهاز وتحتها أو بجانبها مباشرة مروحة أخرى
تخرج الهواء خارج الجهاز , ومشكلة هذه الطريقة أنها زى قلتها ملهاش لازمة
يعنى الهواء بيدخل الجهاز مابيلحقش يبرد المكونات وبيخرج بارد زى ماهو.

الطريقة الخاطئة الثانية :تركيب مروحتين من الأمام والخلف ولكن كلتا
المروحتين تسحبان الهواء خارج الجهاز ويعتقد من يفعلها بأن هذه الطريقة
تسحب الهواء الساخن بسرعة خارج الجهاز ( فى المشمش ) مشكلتها أنها بتسحب
الهواء كله من علبة الجهاز ومابيلقيش البروسيسور حاجة يبرد بيها ودى طريق
أخطر من اللى فاتت بمراحل

تابعنى فى الدرس القادم ان شاء الله.

_________________
مؤسس اكادمية الرح ــمة
الرجوع الى أعلى الصفحة اذهب الى الأسفل
http://elrahmh.net.tc
 
الدليل الشامل فى تخفيض درجة حرارة الجهاز إلى الحد الأدنى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أكاديمية الرح ـــمة  :: منتديات الكمبيوتروالتكنولوجيا :: قسم البرامج المشروحة-
انتقل الى:  
 

 

 

 

 

  

 

 

 

 

 

 
المواضيع الأخيرة
» برنامج مشغل الفيديو
الأحد 12 مايو 2013 - 4:30 من طرف كيموكيمو

» نصائح واختصارات للفوتوشوب
الأربعاء 24 أكتوبر 2012 - 22:36 من طرف محمود رحمة

» عمل حواف دائرية للصور
السبت 20 أكتوبر 2012 - 2:20 من طرف محمود رحمة

» اضاءة انوار السيارة
السبت 20 أكتوبر 2012 - 0:58 من طرف محمود رحمة

» عمل دوران للكلمة
الجمعة 19 أكتوبر 2012 - 23:38 من طرف محمود رحمة

» ازالة الخلفية البيضاء من الصورة
الجمعة 19 أكتوبر 2012 - 21:19 من طرف محمود رحمة

» عمل إطار مزخرف للصورة
الجمعة 19 أكتوبر 2012 - 21:00 من طرف محمود رحمة

» درس تلوين العين
الجمعة 19 أكتوبر 2012 - 17:07 من طرف محمود رحمة

» عمل اطار للصور
الأحد 14 أكتوبر 2012 - 1:49 من طرف محمود رحمة

» اعادة تحجيم الصور
الأحد 14 أكتوبر 2012 - 1:46 من طرف محمود رحمة

/TD>
افحص جهازك

لفحص جهازك ضد ملفات التجسس

عن طريق ...
اضغط هنا لفحص جهازك مجاناً
اضغط هنا لفحص جهازك مجاناً
اضغط هنا لفحص جهازك مجاناً
اضغط هنا لفحص جهازك مجاناً
اضغط هنا لفحص جهازك مجاناً
اضغط هنا لفحص جهازك مجاناً

لفحص جهازك ضد الفيروسات

عن طريق ...
اضغط هنا لفحص جهازك مجاناً
اضغط هنا لفحص جهازك مجاناً
اضغط هنا لفحص جهازك مجاناً
اضغط هنا لفحص جهازك مجاناً
اضغط هنا لفحص جهازك مجاناً
اضغط هنا لفحص جهازك مجاناً