الدليل الشامل فى تخفيض درجة حرارة الجهاز إلى الحد الأدنى جزء 2

نستكمل بأذن الله الدرس السابق

الدليل الشامل فى تخفيض درجة حرارة الجهاز إلى الحد الأدنى جزء #2

رابعاً : تبريد كارت الشاشة VGA :
أيه ده ياعم ؟ حد عمره أشتكى من الفيجا وحرارتها ؟

صبركم عليا , اللى يصبر ينول , معروف أن الفيجات القديمة مابتطلعش حرارة
عالية بس الفيجات الجديدة ناااار أنا عندى الفيجا XFX 5200 Cinema Ultra
Edition 128M / AGP 8X مش عايز أقولكم أنها بتولع نار مش بتسخن بس المهم
فيه طريقتين لتبريدهم .

أولأ : مروحة الفيجا :

معروف أن الفيجا بيجى عليها حوض حرارى Heat Sink زى البروسيسور بالضبط
ولكن أصغر , هانجيب مروحة صغيرة جداً أصغر مقاس وأريع مسامير سن صاج
ونركبها بحرص على الحوض الحرارى حتى لا نحطم الكارت.

ثانيا : جهاز التبريد :

طبعاً محدش سمع عنه قبل كده لأنه منزلش مصر وأعتقد أنه مانزلش الأسواق
العربية كلها وفكرة الجهاز ده أن بيتركب للفيجا حوض حرارى وأنبوبة حرارية
ومروحة تبريد مرة واحدة , أنا جبته من إيطاليا يعنى لو حد عايزه يبعت لأى
حد من قرايبه اللى بره يجبهوله وأدى صورته.

الدليل الشامل فى تخفيض درجة حرارة الجهاز إلى الحد الأدنى جزء 2 VGACooler

الدليل الشامل فى تخفيض درجة حرارة الجهاز إلى الحد الأدنى جزء 2 VGACooler

خامساً : تبريد الهارد HDD :

كل شركات الكمبيوتر والشركات اللى مصنعة الهاردات
بتقول أن درجة حرارة الهارد مش بتأثر على سرعته أو أداءه ويمكن يكون الكلام
ده صح فى الهاردات القديمة ذات السرعة المنخفضة مثل 5400 RPM أنما
الهاردات احديثة اللى معظمها 7200 RPM بتتأثر بالحرارة وأسألوا مجرب المهم
الهاردات برده ليهم طريقتين للتبريد.

الطريقة الأولى :

تركيب المروحتين اللى بيتباعوا جاهزين فى أسواق الكمبيوتر تحت الهارد عن
طريق تثبيتهم بمسامير وانصح بتثبيتهم جيداً , ومحدش يسمع كلام الباشوات
اللى بيقولوا أن المراوح ديه بتجيب Bad Sector للهارد ؟؟ طب أزاى أنا راضى
زمتكم ؟ المروحة متركبة من بره أزاى تأثر على الهارد ؟ عموما أفتح جوجل
وأكتب Hard Disk Cooling Fan وشوف كم الشركات اللى بتبيع المراوح دى .
وبلاش ديه كمان أنا عندى كل الهاردات متركبلهم المراوح ديه بقالهم سنة الأ
شويه ومحصلش حاجة ليهم.

الدليل الشامل فى تخفيض درجة حرارة الجهاز إلى الحد الأدنى جزء 2 Oem_fan_hdd-t

الدليل الشامل فى تخفيض درجة حرارة الجهاز إلى الحد الأدنى جزء 2 Oem_fan_hdd-t

الطريق الثانية :
جهاز الـ Hard Disk Bay ومعرفش أسمه بالعلربى بصراحة
بس هو عامل زى الــ Mobile Rack بالضبط بس الفرق أنه فيه مراوح بس وبيتركب
داخل الجهاز مش تحت الــ CD-ROM وأليكم صورته.

سادساً : تبريد الرامات :

والموضوع ده للناس الرايقه أو الناس اللى بتستعمل برامج تحرير الفديو Video
Producing Software بكثافة وأنا بصراحة مش مقتنع بالموضوع ده بش أهوه
عشان يكون موضوعى متكامل وأنا معرفش بيتباع فين الغطاء النحاسى ده , وأدى
صورته.

وأخيراً أتمنى أن أكون أفدت أخوانى الأعضاء ورجاء لكل من أستفاد من ذلك الموضوع الرد عليه

الدليل الشامل فى تخفيض درجة حرارة الجهاز إلى الحد الأدنى جزء 2 Fgfdgdf

الدليل الشامل فى تخفيض درجة حرارة الجهاز إلى الحد الأدنى جزء 2 Fgfdgdf

الدليل الشامل فى تخفيض درجة حرارة الجهاز إلى الحد الأدنى جزء 2 1